दसैंमा लामो यात्रा गर्दै हुनुहुन्छ ? यी हुन् ध्यान दिनुपर्ने १० कुरा

काठमाडौं । दसैंका लागि सहरबजारबाट गाउँघर जानेक्रम बढेको छ । कोहीकोहीले दसैंलाई घुम्ने अवसरका रुपमा पनि लिन्छन् ।

यदि घरगाउँ जान वा कतै घुम्नका लागि लामो दूरीको यात्रामा निस्कँदै हुनुहुन्छ भने केही कुरामा ध्यान पुर्याउन आवश्यक हुन्छ ।

यात्रामा सावधानी नअपनाउँदा बिरामी हुने, दुर्घटना हुने जस्ता जोखिम हुन्छन् । जसले आफूसँगै परिवार र आफन्तलाई खल्लो बनाउँछ ।

के–कस्ता कुरामा ध्यान पुर्याउनु पर्छ त ?

१. सवारीसाधनको झ्यालबाट टाउको ननिकाल्ने । यात्रुले टाउको वा हात निकाल्दा अरु गाडीले हान्दिन सक्छ ।

२. औषधि सेवा गर्ने । लामो यात्र गर्दा बान्ता आउने समस्या भएका यात्रुलहरुले यात्रा गर्नुभन्दा पहिले नै बान्ता रोक्ने औषधि खानु पर्दछ ।

३. आवश्यक परेको स्थानमा गडी रोक्न लगाउने । लामो यात्रा गर्दा चलाकले सेकेसम्म आफूले सधैं रोक्ने स्थानमा रोक्न खोज्ज्छन् । तर यात्राको समयमा दिसा–पिसाब लागे सहचालकलाई भनेर रोक्न लगाउनु पर्छ ।

४. टिकट काउन्टरमा नै गएर काट्ने । लामो दूरीको यात्रा गर्दा यात्रुले टिकट काउन्टरमा नै गएर काटेको राम्रो हुन्छ । अनलाइनबाट टिकटको व्यवस्था भएपनि धेरैजसो अन्तिमको सिटका लागि मात्रै कम्पनीले दिने गरेको छ । बिचौलियबाट टिकट काट्दा समस्या हुनसक्छ ।

५. टिकट साथमा नै राख्ने । सहचालकले यात्रा गरिरहेको बेला बसको टिकट हेर्नसक्छ । मागेको बेला देखाउन र बसेको सिटबाट उठाउन खोजेमा देखाउनका लागि आफ्नो टिकट साथमा नै राख्नु पर्छ ।

६. बस स्टेसनमा समयमा नै पुग्ने । यात्रुलो टिकट काटेको बस कति समयमा छुट्ने हो भनेर राम्रोसँग ख्याल गर्नुपर्छ । बस नछुटोस् भनेर आफ्नो बस छुट्ने स्टेसनमा समयमा नै पुग्नु पर्दछ ।

७. बस नम्बर याद गर्ने । आफुले टिकट काटेको बस नम्बर पनि याद गर्नु पर्दछ । बस स्टेसनमा गएर बस कुर्दा आफूले कुरेको बसको नम्बर याद हुँदा सहज हुन्छ । खाजा र खाना खान रोकेको बेला पनि बस नम्बर याद हुँदा यात्रा गरिहेको बस सजिलै चिन्न सकिन्छ ।

८. मापासे नगर्ने । यात्रुले यात्रा गर्दा मापासे गर्नु हुँदैन । एकजनाले यात्रामा मापासे गर्दा सबै यात्रुलाई असर पर्नसक्छ । मापासे गर्दा यात्रु अनियन्त्रित भएर बीचैमा छुट्न पनि सक्छ । धेरै मापासे गरेको अवस्थामा सवारी ाधनले पनि बीचबाटोमा नै झारिदिन सक्छ ।

९. थोरै खाना खाएर यात्रा गर्ने । यात्राको बेला थोरै खाना खानु पर्छ । यात्राको समयमा खाना नपच्ने भएकाले थोरै खानु पर्दछ । खाना पचेन भने पेट दुखेर यात्रा सुखद नहुन सक्छ ।

१०. सकेसम्म एक्लै यात्रा नगर्ने । लामो यात्रा गर्दा सकेसम्म परिवार वा साथीभाइसँग गर्दा राम्रो हुन्छ । बोल्न र असजिलो भएको बेला सहयोग लिन सजिलो हुन्छ । परिवार वा साथी हुँदा यात्रा रमाइलो र यादगर पनि हुन्छ ।

ट्राफिक प्रहरीका असई राजकुमार गोले लामो यात्रा गर्दा यात्रुसँगै चालक तथा सहचालक पनि सजग हुनपर्ने बताउँछन् ।

‘चालकले लाइसेन्स र ब्युबुक साथमा राखेर गाडि चलाउनु पर्दछ । चालकले मापासे पनि गर्नु हुँदैन’ गोले भन्छन्, ‘यात्रुले भने सरकारले तोकेकोभन्दा धेरै भाडा मागेमा ट्राफिक प्रहरीलाई खबर गर्ने र आफ्नो सामानको सुरक्षा गर्नु पर्दछ ।’
यात्रु पनि यात्रा गर्दा सुरक्षित र सजक हुन आवश्यक रहेको गोलेले बताए ।

यातायात व्यवसायी राम कार्कीले सार्वजनिक बसमा यात्रा गर्दा अन्य आवश्यक सामग्रीसँगै सामान्य खालका औषधि पनि बोक्नुपर्ने सुझाव दिए ।

‘सकेसम्म काउन्टरमा नै गएर टिकट काट्नु पर्छ । आफ्नो गाउँ जाँदा लाग्ने भाडाको बारेमा जानकारी राख्नुपर्छ । बस रोक्दा रोकेको ठाउँमा नै बस्ने र राजमार्गमा खाना खाँदा ध्यान दिनुपर्छ’, उनले भने, ‘बसमा यात्रा गर्दा असहज भए सहचालकलाई जानकारी गराउनु पर्छ ।’