दसैँ मनाउन घर फर्कनेको भीड (तस्बिरहरू)

काठमाडौं । बडादसैँ भित्रिएसँगै उपत्यका छाड्नेहरूको संख्या पनि बढेको छ । उपत्यकाबाट बाहिरिने मुख्य नाकाहरू कलंकी, बल्खु, कोटेश्वर थातथलोमा फर्किनेहरूको लर्को लागेको छ ।

पढाइ, रोजगारी तथा व्यवसायको सिलसिलामा सहरबजार छिरेकाहरू दसैँमा घर फर्कने परम्परा छ । मीठो खाने र राम्रो लाउने चाडका रूपमा पनि परिचित दसैँमा परिवार, आफन्तजनसँग जमघटको खुसी टीका थापेर आशीर्वाद लिने हुनाले यो चाडको महत्व झन् बढ्दो छ ।

पछिल्ला दिनमा उपत्यका भित्रिनेको तुलनामा बाहिरिने यात्रुको चाप बढिरहेको महानगरीय ट्राफिक प्रहरी महाशाखाले जनाएको छ । हिजोसम्म एक लाखभन्दा बढी यात्रुले उपत्यका छाडेको अभिलेख छ ।

महाशाखाका प्रमुख प्रहरी वरिष्ठ उपरीक्षक जनक भट्टराईले भोलिदेखि बल्ल दसैँ बिदा सुरू हुने भएकोले यो संख्या झन् बढ्ने बताएका छन् ।