चितवनका पत्रकार नेपालको उपचारको क्रममा निधन

चितवन । चितवनका पुराना पत्रकार द्वारिका नेपालको निधन भएको छ । आज विहान काठमाडौंँस्थित ग्राण्डी इन्टरनेशन हस्पिटलमा उपचारको क्रममा उनको निधन भएको हो ।

नेपाल चितवनस्थित कालिका एफएमको बरिष्ठ समाचारबाचक थिए । असोज २५ गते दसैं मनाउन रौतहटको चन्द्रनिगाहपुर जानेक्रममा बाराको निजगढ नजिकै तामागढी जङ्गलमा पुग्दा बिहान ९ः३० बजे अचानक बेहोस भएका थिए ।

तत्कालै उपचारका लागि एम्बुलेन्सबाट चितवन मेडिकल कलेजमा ल्याएर उपचार थालिएको थियो । चितवनमा उपचार सम्भव नभएपछि हेलिकप्टर मार्फत असोज २६ गते काठमाडौ लगिएको थियो ।

उनको मष्तिष्कघात भएर निधन भएको हो । नेपाल पत्रकार महासंघ चितवनका साधारण सदस्य, प्रेस चौतारी नेपाल, बागमती प्रदेश कमिटीका सदस्य समेत हुन् ।

सन्चारकर्म, साहित्य तथा शिक्षण पेशमा सक्रिय थिए ।  साथै उनी नेपाल गजल मञ्च चितवनका अध्यक्ष थिए । भरतपुर–१० रमाइलो चोकस्थित निवासमा श्रद्धाञ्जली दिएपछि आजै देवघाटमा अन्त्येष्टि गरिने जनाइएको छ ।