नकुल्ली र निर्मला हत्याकाण्डका आरोपीलाई सरकारले संरक्षण गरेको अनेरास्ववियुको आरोप

काठमाडौं । नेकपा एमाले निकट विद्यार्थी संगठन अनेरास्ववियुले बाँकेकी नकुल्ली धोबी र निर्मला कुर्मीलाई बेपत्ता बनाई हत्या गरिएको घटनामा न्याय माग्ने अधिकारकर्मीमाथि सरकारले ज्यादति गरेको भन्दै आन्दोलनमात्र उत्रिने चेतावनी दिएको छ ।

अनेरास्ववियुकी अध्यक्ष सुनिता बरालले सोमबार प्रेस विज्ञप्ति जारी गर्दै पीडितको न्यायका लागि नेपालगन्जदेखि काठमाडौंसम्म पैदल यात्रा गरेर माइतीघरमा धर्ना बसेका रुबी खान लगायत अधिकारकर्मीलाई धम्क्याइएकोमा आपत्ति जनाएकी हुन् ।

अनेरास्ववियुले परमादेशी सरकार नै उक्त घटनाको पीडक रहेको भन्दै अपराधीलाई संरक्षण गर्ने सरकारविरुद्ध सशक्त आन्दोलनमा उत्रिने चेतावनी दिएको छ । अनेरास्ववियुले अनसनमा बसेकाहरुसँग वार्ता गरि पीडितलाई न्याय दिन माग गरेको छ ।