माओवादीका तल्ला तहका सम्मेलनको कार्यतालिका हेरफेर

काठमाडौ । नेकपा माओवादी केन्द्रले राष्ट्रिय सम्मेलनबाहेक अन्य तहका सम्मेलनको तालिकामा हेरफेर गरेको छ । स्थायी कमिटीको मंगलबार बसेको बैठकले सदस्यता नवीकरण र सम्मेलनहरुको तालिकामा हेरफेर गरेको प्रवक्ता कृष्णबहादुर महराले जानकारी दिए ।

महराका अनुसार पार्टी सदस्यता नवीकरणको म्याद कात्तिक २५ गतेसम्म थपिएको छ भने टोल सम्मेलनहरु कात्तिक २७ गतेसम्म हुनेछन् । त्यस्तै वडा सम्मेलनको म्याद मंसिर ४ सम्म थपिएको छ भने पालिका सम्मेलनहरु मंसिर ११ गतेसम्म सम्पन्न गर्नुपर्नेछ ।

प्रदेश सम्मेलन मंसिर २५ सम्म सकेर पुस दोस्रो साता राष्ट्रिय सम्मेलन गरिने महराले बताए ।