छोरा भेट्न जेल पुगे शाहरुख खान, अदालतद्वारा दोस्रोपटक धरौटीमा छाड्न अस्वीकार

मुम्बइ । लागूऔषध मुद्दामा जेलमा रहेका छोरा आर्यनलाई भेट्न बलिउड अभिनेता शाहरुख खान आज बिहान भारतको मुम्बइस्थित आर्थर रोड जेलमा पुगेका छन् ।

अक्टोबर ८ देखि न्यायिक हिरासतमा रहेका छोरालाई भेटेर शाहरुखले कुराकानी गरेको भारतीय संचारमाध्यमले जनाएका छन् ।

छोरा आर्यनलाई हिरासतमा राखिएपछि उनलाई भेट्न पहिलोपटक शाहरुख जेलमा पुगेका हुन् । अक्टोबर २ मा नार्कोटिक्स कन्ट्रोल ब्यूरोले पानीजहाजमा भएको ड्रग्स पार्टीमा छापा मारेर आर्यनसहितका आरोपीलाई पक्राउ गरेको थियो ।

मुम्बइ अदालतले दुईपटक धरौटीमा रिहा गर्न आर्यनले गरेको आग्रहलाई अस्वीकार गरेको छ । आगामी मंगलबार पुनः यसबारे सुनुवाइ हुने जनाइएको छ ।

 

View this post on Instagram

 

A post shared by Viral Bhayani (@viralbhayani)

बुधबार त्यहाँको विशेष अदालतले आर्यनको ह्वाट्स एपमा ड्रग्स प्रयोगबारे केही अनुचित संवाद देखिएको जनाएको छ । साथै अदालतले ड्रग्स विक्रेत र कारोबारीसँग आर्यनको सम्बन्ध हुन सक्ने समेत बताएको छ ।