लोसपा प्रदेश २ को प्रमुख सचेतकमा परमेश्वर साह

जनकपुरधाम । लोकतान्त्रिक समाजवादी पार्टी (लोसपा) प्रदेश २ संसदीय दलका प्रमुख सचेतकमा परमेश्वर साह चयन भएका छन् ।

संसदीय दलको बैठकले साहलाई प्रमुख सचेतकमा सर्वसम्मत चयन गरेको हो । धनुषा क्षेत्र नम्बर ३ (ख) बाट निर्वाचित सांसद साह तत्कालीन राजपामा पनि प्रमुख सचेतक थिए ।

जनता समाजवादी पार्टी (जसपा) बाट अलग भएर महन्थ ठाकुर नेतृत्वमा लोसपा गठन भएको हो । प्रदेश २ सभामा लोसपाका १६ सांसद छन् ।

केहिदिन अगाडि मात्र लोसपा संसदीय दलका नेतामा चुनावी प्रक्रियाबाट जीतेन्द्र सोनल चयन भएका थिए ।