बार सल्लाहकारको मत- प्रधानन्यायाधीशले अविलम्ब राजीनामा गर्नुपर्छ

काठमाडौं । नेपाल बार एसोसिएसनका सल्लाहकाहरूले प्रधानन्यायाधीश चोलेन्द्र समशेर राणाले अविलम्ब राजीनामा दिनुपर्ने मत राखेका छन् । बार सल्लाहकार समितिको मंगलबार बसेको बैठकले प्रधानन्यायाधीशले राजीनामा नगरे आन्दोलनका कार्यक्रम घोषणा गर्न बारलाई सुझाव दिएको अधिवक्ता टिकाराम भट्टराईले जानकारी दिए ।

‘सल्लाहकारको बैठकमा ९९.५ प्रतिशत सल्लाहाकारको मत उहाँले अविलम्ब राजीनामा गर्नुपर्छ भन्ने छ,’ बैठकका निर्णयबारे जानकारी गराउँदै उनले भने, ‘अब कार्य समिति बसेर निर्णय गर्छ र नेपाल बारको त्यो सुझावको आधारमा उहाँले अविलम्ब राजीनामा गर्नुभएन भने देशव्यवापी आन्दोलन गर्नुपर्छ भन्ने सल्लाह रहेको छ ।’

कार्यपालिकामा भाग खोजेको भन्दै प्रधानन्यायाधीश राणा विवादमा परेका छन् । सर्वोच्चकै १५ प्रधानन्याधीशहरू राणाले राजीनामा दिनुपर्ने भन्दै अदालतको पूर्णबैठक र इजलास बहिष्कार गरिरहेका छन् ।