भारतको त्रिपुरामा मुस्लिममाथि आक्रमण तीव्र, घर र मस्जिदहरुमा आगजनी

त्रिपुरा । मस्जिद र मुसलमानहरुको बस्तीमा आक्रमण भएपछि भारतको उत्तरपूर्वी राज्य त्रिपुरामा तनाब बढेको छ । आक्रमणपछि त्रिपुराको सुरक्षा अवस्था कडा पारिएको छ । प्रभावित क्षेत्रमा भेला हुन रोक लगाइएको छ । हिन्दूको एउटा समूह र प्रहरीबीचको झडपछि हिंसा भड्किएको थियो ।

बंगलादेशमा हालै हिन्दूमाथि भएका आक्रमणको बिरोधमा हिन्दूहरुले प्रदर्शन गरेका थिए । बंगलादेशमा मुसलमान समुदायमा आबद्ध एउट समूहले गरेको हमलामा हिन्दूहरुका दर्जनौ घरमा आगो लगाउनुका साथै मन्दिर तोडफोड गरिएको थियो ।

दुर्गा पूजा चलिरहेका बेला एउटा फेसबुक पोस्टमा मुस्लिम धर्मलाई निन्दा गर्ने एउटा सुनियोजित पोस्टपछि हिन्दू समुदाय आक्रमणमा परेका थिए । त्रिपुरामा पछिल्लो चार दिनमा धर्मसँग सम्बन्धित विषयमा १० भन्दाबढी स्थानमा धार्मिक हिंसा भएको छ ।

सीमा सहर पेनिसगरमा मंगलबार राति मुस्लिमले चलाएको कैयौं पसल तथा मस्जिदहरुमा आगजनी गरिएका थिए । हिन्दूवादी संगटन विश्व हिन्दू परिषदको नेतृत्वमा एउटा ¥याली निकालिएलगत्तै हिंसा सुरु भएको थियो ।

यो संगठन सत्तारुढ भाजपा निकट मानिन्छ । ¥यालीमा भाग लिएका परिषदका कार्यकर्ताले चामिटिल्ला क्षेत्रमा एउटा मस्जिदमा आगजनी गरेका थिए । त्यसपश्चात त्यसपश्चात तीनवटा घर, तीन पसलमा तोडफोड गरियो भने दुईवटा पसलमा आगोलगाइयो । ती सबै मुस्लिमहरुका थिए । पिडितमध्ये एकजनाले प्रहरीमा उजुरी गरेका छन् ।

हिंसा बढेपछि अधिकारीहरुले यहाँ धेरै मानिसहरु भेला हुन रोक लगाएका छन् । त्रिपुरा राज्यको तीनतर्फ बंगलादेशले घेरिएको छ । यहाँ २५ वर्षसम्म कम्युनिष्ट शासन अन्त्य भएर २०१८ भारतीय जनता पार्टी सत्तामा आएको थियो । करिब ४२ लाखको जनसंख्या भएको राज्यमा मुस्लिमहरु ९ प्रतिशतभन्दा कम संख्यामा छन् ।