वर्षमान बिरामी हुँदा महरा सक्रिय

काठमाडौं । पार्टीका सांगठानिक अभियानमा निकै सक्रिय हुने मध्येका एक हुन माओवादी केन्द्रका नेता वर्षमान पुन ।

निर्वाचन क्षेत्र रोल्पा भए पनि पुन पश्चिमदेखि पूर्वसम्म जाने गर्थे सांगठानिक कामका लागि। आफ्नै प्रदेश भएकाले लुम्बिनी प्रदेशमा झन् गइरहन्थे ।

माओवादीभित्र सम्भावित महासचिवकारूपमा हेरिएका पुन हाल भने उपचारका सिलसिलामा थाइल्याण्डको बैंककमा छन् ।

शरीरमा जन्डिसको मात्रा बढेपछि पुन गत १३ असोजमा बैंकक गएका थिए ।

अहिले पुनको भ्याकुम रोल्पाकै नेता कृष्णबहादुर महराले भरिरहेका छन् । पार्टीको प्रवक्तासमेत रहेका महराको सक्रियता विशेषगरी लुम्बिनी क्षेत्रमा देखिएको छ।

दुई दिनमा महराले रोल्पा, दाङदेखि बाँकेसम्मका कार्यक्रममा सहभागिता जनाएका छन् ।

महराको यो सक्रियता भने हालसालैको हो । सभामुख हुँदा यौन काण्डमा मुछिएपछि उनले पदबाट राजीनामा दिनु परेको थियो।

यद्यपि महराले उच्च अदालत र सर्वोच्च अदालतबाट त्यस सम्बन्धीअरोपबाट सफाइ पाए। सफाइ पाएको धेरै समयसम्म पनि राजनीतिमा सक्रिए भएनन्।

महरा जब अदालतबाट नेकपा टुक्रियो र माओवादी केन्द्र पुनः अस्तित्वमा अयो, त्यसपछि मात्रै पार्टी राजनीतिमा सक्रिय भएका थिए।

आफ्नो स्वभावविपरीत लामो समय निष्क्रिय रहेका महराको राजनीति के हुन्छ भन्ने जिज्ञासा सबैतिर थियो। तर, महरा विस्तारै सक्रिय भए । पार्टीले प्रवक्ताको जिम्मेवारी दियो र अन्य विभागको पनि जिम्मेवारी लिए ।

पुन बिरामी भएपछि भने उनी झन् सक्रिय भए । महरा पुनका राजनीतिक र शैक्षिक गुरु हुन् ।

टाइमलाइनमा हेरौं महराको सक्रियता

कार्तिक १४- वाइसिएल नेपाल बाँके जिल्लाको कोहलपुरमा आयोजित शुभकामना आदानप्रदान तथा प्रशिक्षण कार्यक्रममा सहभागि ।

कार्तिक १४- वाइसिएल नेपाल घोराही उपमहानगरमा राजनीतिक प्रशिक्षणमा सहभागि ।

कार्तिक १२- रोल्पाको गंगादेव गाउँपालिकामा वाईसीएल नेपालको प्रथम अधिवेशन उद्घानटन ।

कार्तिक ९- प्रेस सेन्टर दाङको जिल्ला अधिवेशन उद्घाटन ।

कार्तिक ६- वाईसीएल रोल्पा नगर कमिटीको प्रथम अधिवेशन उद्घाटन ।

कार्तिक ६- नेपाल राष्ट्रिय उद्योग व्यापार संगठनको लुम्बिनी प्रदेशको दोस्रो भेलालाई दाङको भालुवाङमा सम्बोधन ।

असोज ९- माओवादी केन्द्रनिकट अखिल (क्रान्तिकारी)को लुम्बिनी प्रदेश सम्मेलनको दाङमा उद्घाटन ।