बार्सिलोनाको प्रतिनिधिमण्डल जाभीसँग वार्ता गर्न कतार जाँदै

काठमाडौं । बार्सिलोनाका पधादिकारिहरु जाभीसँग क्लबमा खाली मुख्य प्रशिक्षकको पदका लागि वार्ता गर्न कतार गएका छन् ।

गत बुधबार रायो भाल्लेकानोसँग १-० गोलको नतिजामा र तीन दिन अघि एल क्लसिकोमा २–१ ले पराजित भएपछि बर्खास्त गरिएका प्रशिक्षक रोनाल्ड कोएम्यानको ठाउँमा नयाँ प्रशिक्षक भित्र्याउन बार्सिलोना अझै लागि परि रहेको छ ।

एथलेटिक्सका अनुसार क्लबका उपाध्यक्ष र खेल निर्देशक कतारमा रहेका जाभीलाई भेट्न जाँदैछन् । तर अध्यक्ष जोन लापोर्टा भने स्पेनमै बसेका छन् ।
‘म अल सादसँगको मेरो काममा केन्द्रित छु र म अरु कहीको बारेमा कुरा गर्न चाहान्न ।’ अल सादको प्रेस कन्फ्रेन्समा बार्सिलोनामा प्रशिक्षकको खाली पदको बारेमा बोल्दै जाभीले भनेका थिए ।

अल सदाले यसै बीच ट्वीटरमा पोष्ट गरेको थियो ‘हालै प्रसारित भएकोे प्रतिक्रियामा, अल सदा ब्यावस्थापनले जाभीसँग दुई वर्षको सम्झौता गरेको छ । र, जाभी लिगको शीर्ष स्थानमा आफ्नो अग्रता कायम राख्न र उपाधी रक्षाका लागि टोलीको आगामी खेलहरुमा पूर्ण रुपमा केन्द्रीत छन् ।’

जाभिले बार्सामा रहँदा ७ सय खेल खेल्दै १ सय ८४ असिस्ट र ८५ गोल गरेका थिए ।

उनले २०१४ मा स्पेनिस क्लब बार्सिलोना छोडेर कतारको अल सादमा आबद्ध भए र त्याही सकिृय खेल जिबन बाट सन्यास लिए । जाभि अल सादको प्रशिक्षक भएपछि क्लबलाई सात वटा घरेलु ट्रफी जिताए ।