पेट्रोलियम पदार्थको मूल्यवृद्धिलाई राजनीतिक विषय नबनाउन निगमको आग्रह (भिडिओ)

काठमाडौं । नेपाल आयल निगम लिमिटेडका कार्यकारी निर्देशक सुरेन्द्रकुमार पौडेलले पेट्रोलियम पदार्थको मूल्य वृद्धिलाई राजनीतिक विषय नबनाउन आग्रह गरेका छन् ।

बिहीबार सञ्चारकर्मीसँगको कुराकानीमा कार्यकारी निर्देशक पौडेलले पेट्रोलियम पदार्थको मूल्य वृद्धिलाई राजनीतिक विषय नबनाउन आग्रह गरेका हुन् ।अन्तर्राष्ट्रिय बजारमै पेट्रोलियम पदार्थको मूल्यवृद्धि भइरहँदा नेपालमा पनि मूल्यवृद्धि हुनु स्वभाविक भएको बताए ।

उनले नेपालमा तेलको मूल्य वृद्धि भएको विषयलाई अनर्गल ग्रचार गरिरहेको बताउँदै राजनीतिक दल र तिनका भातृ संगठनहरुले यसलाई राजनीतिक विषय बनाएको आरोप लगाए ।

अन्तर्राष्ट्रिय बजारमा प्रतिलिटर ७ रुपैयाँ तेलको मूल्य बढ्दा नेपालमा ३ रुपैयाँ मात्र बढाइएको बताउँदै कार्यकारी निर्देशक पौडेलले यसले जनतालाई मारमा नपार्ने उनी बताउँछन् । उनले विश्व राजनीतिमा उतारचढाव हुँदा तेलको मूल्य बढीरहेको भन्दै अबको दुई वर्ष तेलको मूल्य स्थिर हुन नसक्ने बताए ।

कार्यकारी निर्देशक पौडेलले अहिले निगम डिजेलमा प्रतिलिटर १५ रुपैयाँ, पेट्रोलमा प्रतिलिटर २० रुपैयाँ र एलपी ग्याँसमा ७२० रुपैयाँ नोक्शानमा रहेकोदावी गरे । उनले यस आर्थिक वर्षमा निगमले जति नै मूल्य बढाएपनि २० अर्ब नोक्शानमा जाने दाबी गरे । कार्यकारी निर्देशक पौडलले यस वर्षमा पेट्रोलियम पदार्थको मूल्य प्रतिलिटर १४० रुपैयाँ पुग्ने बताउँदै यसमा अन्यथा मान्नु नहुने बताए ।

पेट्रोलियम पदार्थको मूल्यवृद्धि बारे यसाे भन्छन्  कार्यकारी निर्देशक पौडेल

‘यो सरकारी संस्था हो, अस्वभाविक हुँदैन, सबैचिज पारदर्शी नै हुन्छ, अस्वभाविक भनेर हामीले सोच्नु नै सरकार, निगमप्रति पूर्वाग्रही ढंगले सोचिएको हो, यो १०० प्रतिशत स्वभाविक हो बजारमा लिक्वीडिडी अभावको स्थिती हेर्नुहोस्, अन्तर्राष्ट्रिय बजारमा डलरको गिरावट हेर्नुहोस्, अन्तर्राष्ट्रिय मुद्राको मौज्दातको, घाटकोे स्थिती हेर्नुहोस्, एक वर्षअघि कति मूल्य थियो आज कति छ हुर्नुहोस्।

आजको दिनमा राजनीति गर्ने एउटै चिज छ, त्यो भनेको तेल हो, तेलमा अन्तर्राष्ट्रिय राजनीति छ, खाडी मुलुकहरु रातारात कसरी धनी भए यो हामीलाई थाहा छ, त्यसैले जहिल्यै पनि विश्वको अर्थतन्त्र अलिकति घटबढ भयो भने तेलको मूल्यले इकोनोमिलाई नराम्ररी हान्छ, तेलको मूल्य अब के हुन्छ भन्ने विषय प्रिडिक्शनकै आधार हो, त्यसैले तेलको मूल्य आगामी २ वर्ष स्थिर हुने स्थिती देखिँदैन, बढ्दै क्रममा हुन्छ, र यो १०० डलर प्रतिब्यारेलसम्म पुग्छ, यो के हो भने आज हामी ८० मा छौँ, निगमलाई ६० डलरमा पुर्याइयो भने हाम्रो मूल्य स्थिर हुन्छ, हामी ८० डलरमा छौँ, अहिले हामीलाई २० डलरको मार छ भने योसय डलर पुग्छ भनेपछि तपाईले हेरिहाल्नुस् कहाँ पुग्छौँ हामी भन्ने कुरो ।’

 ‘निगम अघिल्लो वर्षको जनवरीदेखि घाटामा छ, हामीले मूल्य समायोजन नगरेको होइन, ३३ रुपैयाँ जतिको मूल्य समायोजन गरेका थियौँ, २ वर्षमा १७÷१८ रुपैयाँ पैसा घटाएका छौँ, अहिले स्याल अघिअघि शिकारी पछिपछि भइदियो, मूल्य अघिअघि बढ्छ, हाम्रो मूल्य समायोजन पछिपछि भयो, अझ एलपीजीमा त हामीले समयोजन गर्नै हुँदैन, नोक्शानमै बेच्नुपर्छ भन्नेमै गइयो, अहिलेसम्म हामी सफल पनि थियौँ, निगमले तथ्य, तथ्यांक कहिले पनि लुकाएकै छैन, निगम कहिल्यै ठूलो मार्जिनमा बसेको छैन, एक रुपैयाँ मार्जिन भनेकै हामीलाई साढे २ करोड रुपैयाँ हो भने हामी ५ रुपैयाँ मार्जिनमा बसेका छौँ, डबल भइसक्यो ।

अघिल्लो आर्थिक वर्ष १५÷१६ महिनाअघि हामी ४० डलरको हाराहारीमा थियौँ, अहिले ८५ डलर भइसक्यो, डबल भइसक्यो, डबल हुँदा हाम्रो मूल्य कति भयो त ? त्यो हिसावले त बढेको छैन, किन बढेन भन्दा हामीले एउटा अन्तर्राष्ट्रिय बजारको परिस्थिती घटीहाल्छ कि, हामीलाई त यो आर्थिक वर्ष सस्टेन गर्ने मात्रै हो, हाम्रो उद्देश्य भनेको नाफा कमाएर धेरै कुरा गर्नुपर्छ भन्ने पनि छैन, नभएका कुरामा लाञ्छना लगाएर, हुँदै नभएका विषयमा गाली गरेर, निगम, कर्मचारीलाई गाली गरेर केही हुँदैन, कि निगम नै चाहिँदैन भन्न सक्नुपर्यो, जुन कुराको विकल्प छैन, गरेर फाइदै छैन, जुन कुरामा राजनीति नै गर्नुहुँदैन, जुन कुरो राजनीतिक विषय नै होइन, त्यसैले हल्ला मच्चाएर इकोनोमी नै सिध्याउने कुरा हो, निगमको हेल्थमा हेलचेक्राइँ गर्नुहुँदैन ।’