देउसी-भैलाेमा रमाउँदै बालबालिका (तस्बिरहरू)

काठमाडौं । यमपञ्चक अर्थात तिहार सुरु भएसँगै लक्ष्मीको पूजा आराधना गरी श्रद्धा भक्तिपूर्वक लक्ष्मीपूजा पर्व मनाइएको छ । पाँच दिनसम्म हर्षोल्लासपूर्वक मनाइने तिहारको प्रमुख आकर्षण नाचगान र देउसी-भैलो पनि हो ।

समुहमा मिलेर केटाकेटी, युवायुवती तथा महिला पुरुषले गाउने गीत देउसीभैलो हो । जुन तिहार सुरु भएपछि घर-घर गएर नाचगानसँगै देउसीभैलो खेल्ने गरिन्छ । देउसी भैलो खेल्दा एक जनाले रमाइलो शैलीमा भट्टयाउने र खेलमा सहभागि सबैले देउसीरे र भैलिरे घन्काउँदै सामूहिक रूपमा नाँच्ने चलन नेपालको मौलिक विशेषता हो ।

यो एउटा पुरानो संस्कृति पनि हो । जसमा बालबालिकादेखि किशोर किशोरीहुदैँ युवा युवतीसम्म जम्मा भएर घर घरमा गएर देउसीभैलो खेल्दै गीत गाउँछन ।

हेर्नूस् काठमाडौैंका बालबालिकाले देउसीभैलो खेलेका तस्बिरः