सल्यान बस दुर्घटना : १२ जनाको मृत्यु, तीन यात्रुको पहिचान खुल्यो

दाङ । सल्यानको खलंगाबाट दाङको तुलसीपुर आउँदै गरेको रा.१ ख २५५२ नम्बरको बस दुर्घटनामा मृत्यु हुनेको संख्या १२ पुगेको छ ।
आज कपुरकोट गाउँपालिकामा बस सडकबाट करिब २ सय मिटल तल खसेको थियो । बसमा ३० जना यात्रु सवार थिए । घाइतेहरूका अनुसार बस निकै नै तीव्र गतिमा थियो ।

मृतक १२ जनामध्ये १० महिला र दुई पुरुष छन् । तीनजनाको नाम ठेगाना खुलेको र बाँकी ९ जनाको परिचय खुल्न बाँकी रहेको प्रहरीले बताएको छ ।

परिचय खुलेका तीनजना मृतकहरू :

१) सल्यान जिल्ला छत्रेश्चरी गाउँपालिमा-२ बस्ने २९ बर्षका तिलक वली

२) दाङ जिल्ला घोराही उपमहानगरपालिका नारायनपुर बस्ने ६५ वर्षकी ईन्द्रा अधिकारी

३) दाङ जिल्ला बबई गाउँपालिका-६ पन्चकुले बस्ने ७० बर्षकी कलावती बुढाथोकी