सोमबार ३ सय कोभिड बिरामी थपिए, ५ जनाको मृत्यु

काठमाडौं । पछिल्लो २४ घण्टामा सोमबार थप ३९० जनामा कोरोनाभाइरस संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार २ हजार ६०६ जनाको पीसीआर परीक्षण गर्दा ३७१ जना र २ हजार ४२० जनाको एन्टिजेन परीक्षण गर्दा १९ जना गरी ३९० जनामा कोरोना भाइरसको संक्रमण देखिएको छ ।

सोही अवधिमा कोरोना संक्रमणबाट ५ जनाको मृत्यु भएको छ भने ४२५ जना संक्रमणमुक्त भएका छन् । गत २४ घण्टामा १९ सय १७ जनाले कोरोनाभाइरस विरुद्धको खोप लगाएका छन् ।

हाल देशभर सक्रिय संक्रमितको संख्या ७ हजार ६५४ जना छन् । मन्त्रालयका अनुसार दैनिक संक्रमणदर ७.७ प्रतिशत छ ।

नेपालमा कोरोनाभाइरस संक्रमितको कुल संख्या ९ लाख भन्दा बढी पुगेको छ भने मृत्यु हुनेको संख्या ११ हजार ४५३ पुगेको छ । यस्तै कूल ७ लाख ९५ हजार ८२२ जना संक्रमणमुक्त भएको मन्त्रालयले जनाएको छ ।