प्राविधिकतर्फका सहसचिव पाण्डे सचिवमा बढुवा

काठमाडौँ । सरकारले प्राविधिकतर्फका सहसचिव निरु दाहाललाई सचिवमा बढुवा गरेको छ । सोमबार प्रधानमन्त्री तथा मन्त्रिपरिषद्को कार्यालय सिंहदरबारमा बसेको मन्त्रिपरिषद् बैठकले कृषि तथा वन सेवा तर्फकी प्राविधिक सहसचिव पाण्डेलाई बढुवा गर्ने निर्णय गरेको हो ।

कार्यसम्पादन तथा मुल्यांकनका आधारमा एक नम्बरमा सिफारिस भएकी दाहालको बढुवा गरिएको संघीय मामिला तथा सामान्य प्रशासनमन्त्री राजेन्द्रप्रसाद श्रेष्ठले नेपाल प्रेसलाई जानकारी दिए ।

लोक सेवा आयोगका अध्यक्ष माधवप्रसाद रेग्मीको अध्यक्षतामा तिहार अघि नै बसेको बढुवा सिफारिस समितिको बैठकले एक नम्बरमा पाण्डेलाई बढुवा गर्नका लागि सिफारिस गरेको थियो । यस्तै बढुवा समितिले दोस्रो नम्बरमा दीपक खराल र तेस्रो नम्बरमा रेवतीरमण पौडेलको नाम सिफारिस गरेको थियो ।

कृषि तथा पशुपन्छी मन्त्रालयको कृषितर्फ निमित्त सचिवको जिम्मेवारीमा रहेकी दाहाल मन्त्रालयमा कृषि तथा पशुपन्छी व्यवसाय प्रवद्र्धन महाशाखा प्रमुखको जिम्मेवारीमा रहेकी थिइन । कृषि तथा पशुपन्छी मन्त्रालयका सचिव कृष्णप्रसाद आचार्यले अनिवार्य अवकाश पाएपछि प्राविधिकतर्फको एक सचिव पद रिक्त भएको थियो ।