नेपालमा मोटरसाइकल एसेम्बलका लागि ४ मापदण्ड तोकियो

काठमाडौं । पछिल्लो समय केही कम्पनीहरूले विदेशबाट सामान ल्याएर मोटरसाइकल एसेम्बल गरिरहेका छन् । नेपालमा हाल गोल्छा अर्गनाइजेशन र जगदम्बा मोटर्सले कम्पनीले पेट्रोलबाट चल्ने बाइक एसेम्बल गरिरहेका छन् । अन्य बाइक बिक्रेता कम्पनीले पनि नेपालमा नै एसेम्बल गर्न प्लान्ट स्थापनाको काम गरिरहेका छन् ।

उद्योग विभागले मोटरसाइकल एसेम्बल गर्ने उद्योगका लागि ४ वटा मापदण्ड तोकेको छ । पाटपुर्जा आयात गरी बाइक एसेम्बल गर्ने उद्योगका लागि सरकारले नयाँ मापदण्ड ल्याएको हो ।

मापदण्ड अनुसार एसेम्बल गरिएका मोटरसाइकलमा हुने मूल्य अभिवृद्धि, एसेम्बल उद्योगले दिनुपर्ने रोजगारी, आन्तरिक उत्पादनको प्रयोग र वातावरणीय जोखिम न्यूनीकरणका विषय समेटिएको छ । उद्योगले पहिलो १ वर्ष १० प्रतिशत मूल्य अभिवृद्धि गर्ने छ । ५ वर्षसम्म ३० प्रतिशतको दरले मूल्य अभिवृद्धि गर्नुपर्ने सर्त तोकेको छ ।

एसेम्बल गर्ने उद्योगले पहिलो वर्ष थोरैमा ५० जना कर्मचारी रोजगारी दिनुपर्ने छ ।

एसेम्बल भएको बाइकमा एसेम्बल गर्ने उद्योगल ५ वर्षभित्र कम्तीमा १० प्रतिशत नेपालमै बनेका सामान प्रयोग गर्नुपर्ने मापदण्ड तोकेको छ ।