गुल्मीमा पनि आकांक्षी धेरै भएपछि एमालेलाई महाधिवेशन प्रतिनिधि छान्न सकस

रूपन्देही । नेकपा एमालेका प्रभावशाली दुई सचिव प्रदीप ज्ञवाली र गोकर्ण विष्ठको गृहजिल्ला गुल्मीमा महाधिवेशन प्रतिनिधिका आंकांक्षी धेरै देखिएका छन् ।

दुई निर्वाचन क्षेत्र रहेको गुल्मीमा १८ जना प्रतिनिधि हुन पाउने छन् । आकांक्षी धेरै भएपछि जिल्ला पार्टी अध्यक्ष मधुकृष्ण पन्तसहितको ५ जनाको सचिवालयलाई छनौटका लागि जिम्मेवारी दिइएको नेता हरि पोखरेलले जानकारी दिए । उनका अनुसार १८ जनामध्ये ३ जना दलित कोटाबाट निर्विरोध भएका छन् ।

पार्टीका दुवै नेताले सर्वसम्मत प्रतिनिधि छनौटका लागि निर्देशन गरेकाले चुनाव नहुने नेता पोखरेलले बताए । सचिव गोकर्ण विष्टले सामाजिक सन्जालमै अहिलेको अवस्थामा पार्टीलाई बलियो बनाउन सहमतिमा प्रतिनिधि चयन गर्नुपर्ने बताएका छन् ।