गन्तव्य चतरा: प्रचण्डले भैँसी पुजेको क्षेत्रमा माधव नेपालको यज्ञ उद्घाटन

इटहरी । २०६६ माघ २९ गते तत्कालिन प्रधानमन्त्री पुष्प कमल दाहाल ‘प्रचण्ड’ सुनसरीको चतरा आए । पहिलोपटक प्रधानमन्त्री भएका उनले चतरा आएको कुरा हेडलाइन बन्यो । प्रचण्डले चतरा आएर भैँसी पूजा गरे ।

श्री रामानन्दाचार्य सेवापिठ चतराधाममा आएका प्रचण्डले ज्योतिषी मधुसुधन रिजालको सल्लाह अनुसार भैँसी पूजा गरे । आफूलाई धर्म नमान्ने बताउँने प्रचण्डको भैँसी पूजा देशभर हेडलाइनको विषय बन्यो ।

नर्वेको द कार्टिक युनिभर्सिटी अफ नर्वेमा ‘शान्ति तथा द्वन्द’ रुपान्तरण विषयमा सन २०१६ मा स्नातकोत्तर गरेका केशव दाहालको थेसिसमा समेत भैँसी प्रकरण अटेको थियो ।

प्रचन्डको भैँसी पुजा भएको लगभग बाह्र वर्ष पुग्नै लाग्दा शुक्रबार अहिलेको सत्ता गठबन्धनका प्रचण्डका सहयात्री नेकपा एसका अध्यक्ष माधव नेपालले पनि चतरामै आए । यज्ञ उद्घाटन गरे । आफ्नै पार्टीका प्रदेश १ का मुख्यमन्त्री राजेन्द्र राईसँग आएका नेपालले यज्ञ उद्घाटन गरे ।

इटहरीका मेयर द्वारिकलाल चौधरीको घरमा भएको भेटघाटदेखि विराटनगर विमानस्थलको पत्रकार सम्मेलनको चर्चामा यज्ञ उद्घाटन गरेको भने चर्चा भएन ।

प्रथम जगतगुरु पीठ प्राचीत हरिद्धार चतरा धाममा भएको धन धान्यान्चल श्रीमद् भागवत ज्ञान महायज्ञको उद्घाटन गरेका थिए नेपालले । उद्घाटन कार्यक्रमको व्यानरै बनाएर नेकपा एसका भात्रि संगठनहरुको व्यापक प्रचार गरेका थिए ।