शनिबार २ सय संक्रमित थपिए, २ जनाको मृत्यु
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2021/07/corona-2.jpg)
काठमाडौं । पछिल्लो २४ घण्टामा शनिबार मुलुकमा २९५ जना कोरोनाभाइरस संक्रमित थपिएका छन् । स्वास्थ्य तथा जनसंख्या मन्त्रालयका अनुसार ५ हजार २२५ पीसीआर र ३ हजार १८ जनाको एन्टीजेन परीक्षण गर्दा २९५ जनामा संक्रमण पुष्टि भएको छ।
पछिल्लो २४ घण्टामा ४७८ जना संक्रमित निको भएका छन् भने २ जनाको संक्रमणले मृत्यु भएको छ । हालसम्म ७ हजार २७८ सक्रिय संक्रमित रहेको मन्त्रालयले जनाएको छ । गत २४ घण्टामा ३४ हजार ७१६ जनाले कोभिडविरुद्धको खोप लगाएका छन् ।
मन्त्रालयका अनु्सार कुल संक्रमितको संख्या ८ लाख १६ हजार ६७५ जना पुगेको छ भने यो सँगै देशभर निको हुनेको संख्या ७ लाख ९७ हजार ९२६ पुगेको छ।
हालसम्म कोरोना संक्रमणबाट मृत्यु हुनेको संख्या ११ हजार ४७१ पुगेको छ। हाल ९८ जना क्वारेन्टाइनमा छन्। १९३ जना आइसीयू र ५७ जना भेन्टिलेटरमा रहेको मन्त्रालयले जनाएको छ।