रोल्पामा जिप दुर्घटना, तीनजनाको मृत्यु

दाङ । रोल्पामा जिप दुर्घटना हुँदा तीनजनाको मृत्यु भएको छ । आइतबार बिहान ११ बजेतिर भएको दुर्घटनामा दुई पुरुष र एक महिलाको घटनास्थलमै मृत्यु भएको रोल्पाका प्रहरी प्रमुख डीएसपी नरेशराज सुवेदीले जानकारी दिए ।

जिप धनी एवं चालक माडी गाउँपालिका-६ हान्निङ छेडाका ५१ वर्षीय लुद्र घर्ती, सोही स्थानकी ४५ वर्षीया चौसरा विक र मिसिडाँडाका वर्ष ५५ का टेकबहादुर पुन (टंकलाल) छन् । जिप दुर्घटनामा परेर घाइते भएका तीनजनालाई उपचारका लागि अस्पताल लगिएको छ ।

माडी गाउँपालिका-६ हान्निङबाट घर्ती गाउँतर्फ जाँदै गरेको सो जिप दुर्घटनाको कारण खुलेको छैन ।