प्रधानन्यायाधीशको राजीनामा माग्दै कैलाली जिल्ला अदालत अघि धर्ना

कैलाली । बार एसोसिएसनले कैलालीले कैलाली जिल्ला अदालत अघि धर्ना दिएको छ । सर्वोच्च अदालतका प्रधानन्यायाधीश चोलेन्द्रसमशेर जबराको राजीनामा मात्र गर्दै अदालत अगाडि धर्ना दिएको बारका अध्यक्ष शिद्धराज ओझाले बताए ।

बारका पदाधिकारी तथा अधिवक्ताले हातमा कालो पट्टी बाँधेर अदालत अगाडि एक घण्टा धर्ना दिएका हुन् । ‘केन्द्रीय तालिकाअनुसार प्रधान न्यायाधीशको राजीनामा माग गर्दै एक घण्टा धर्ना दिएका हौँ’ अध्यक्ष ओझाले भने, ‘भोलि र पर्सि पनि हामी त्यही विरोधलाई निरन्तरता दिन्छौँ ।’

बुधबारबाट केन्द्रीय निर्णय अनुसार आन्दोलनको स्वरूप फेरिन सक्ने उनले बताए ।