माओवादीमा खर्च घटाउने नयाँ जुक्ति, पिपलको पातलाई अतिथिको ब्याच

हेटौंडा । राजनीतिक पार्टीहरुले अचेल गर्ने कार्यक्रमहरु निकै भड्किला हुन्छन्। यस्ता कार्यक्रममा खर्च जुटाउन पार्टीहरुलाई हम्मे–हम्मे हुन्छ। नेकपा (माओवादी केन्द्र) मकवानपुरको एउटा वडामा भने यसमा खर्च कटौती गर्न नयाँ जुक्ति निकालेको छ।

मकवानपुरको बकैया गाउँपालिको वडा नम्बर वडा नम्बर ५ को प्रथम सम्मेलनका अतिथिहरुलाई लगाउने ब्याच पिपलको पातबाट बनाइएको छ। पिपलको पातमा प्रमुख अतिथि र विशेष अतिथि लेखर ब्याच टाँसिएको हो।

शनिबार भएको सम्मेनबाट अध्यक्षमा जमबहादुर मोक्तान, उपाध्यक्षमा भक्तबहादुर थिङ, जयराम पुडासैनी सचीव,चेङ दोङ कोषाध्यक्ष र राजमान भोलन सह–सचिव बनेका थिए। सम्मेलनले २९ जनाको वडा समिति बनाएको थियो।