१६ लाखसहित कालिमाटीबाट पक्राउ परे हुण्डी कारोबारी
नेपाल प्रेस
२०७८ कार्तिक २९ गते १३:२३
काठमाडौं । हुण्डी कारोबारमा संलग्न रहेको अभियोगमा कालिमाटीबाट नगदसहित एक जना पक्राउ परेका छन् । पक्राउ पर्नेमा कालिमाटी बस्ने सप्तरी मलेपुर गाउँपालिका-५ का २५ वर्षीय अमर नारायण दास रहेका छन् ।
उनलाई १६ लाख २० हजार ९ सय रुपैयाँसहित शुक्रबार दिउँसो प्रहरीले पक्राउ गरेको हो ।कालिमाटी क्षेत्रमा हुण्डी कारोबार भईरहेको भन्ने सूचनाको आधारमा महानगरीय अपराध महाशाखा मिनभवनबाट खटिएको प्रहरीले उनलाई उक्त नगद सहित पक्राउ गरेको महाशाखाले जनाएकाे छ।
उनलाई आवश्यक कारवाहीको लागि राजश्व अनुसन्धान विभाग पुल्चोक, ललितपुर पठाइएको उक्त महाशाखाले जनाएको छ ।
नेपाल प्रेस
प्रकाशित: २०७८ कार्तिक २९ गते १३:२३
प्रतिक्रिया
सम्बन्धित खवर
