राजकुमार र पत्रलेखाबीच कसियो लगनगाँठो !
नेपाल प्रेस
२०७८ कार्तिक २९ गते २१:३२
मुम्बइ । ११ वर्षको रिलेसनसिपपछि बलिउड अभिनेता राजकुमार राव र प्रेमिका पत्रलेखाले आज चण्डीगढमा बिहे गरेका छन् । ठूलो एकादशीको मौकामा उनीहरुले बिहे गरेको तस्बिर सामाजिक संजालमा सेयर गरेका छन् ।
राजकुमारले इन्स्टाग्राममा लेखेका छन्, ‘अन्ततः ११ वर्षको प्रेम, रोमान्स, मित्रता र रमाइलोपछि आज मैले यी सबै चीजसँग बिहे गरेको छु । मेरो आत्मा, मेरो सबैभन्दा प्रिय साथी, मेरो परिवार । आज मेरो लागि तिमीले पति भन्नुभन्दा अर्को ठूलो खुशि छैन । पत्रलेखा तिमी सँधैका लागि हौ । त्यो भन्दा अगाडि पनि…।’
View this post on Instagram
पत्रलेखाले पनि बिहेको तस्बिर सेयर गरेकी छिन् । उनको क्याप्सन पनि ठीक उस्तै छ । उनी लेख्छिन्, ‘मैले पनि प्रत्येक चीजसँग बिहे गरेकी छु । मेरो प्रेमी, मेरो क्राइम पार्टनर, मेरो परिवार, मेरो सोलमेट । पछिल्लो ११ वर्षयता मेरो सबैभन्दा प्रिय साथी । तपाईंको पत्नी हुनुभन्दा अर्को ठूलो खुशि अर्को छैन । यो हाम्रो हो । सँधैभरका लागि…।’
View this post on Instagram
बिहेका तस्बिर सार्वजनिक हुने वित्तिकै बलिउडकर्मीले बधाइ दिन थालेका छन् । प्रियंका चोपडा, तपसी पन्नु, आथिया सेट्टी र नुसरत भरुचाले पनि बधाइ दिएका छन् । गत शनिबार अर्थात १३ नोभेम्बर र राजकुमार र पत्रलेखाबीच इन्गेजमेन्ट भएको थियो ।
नेपाल प्रेस
प्रकाशित: २०७८ कार्तिक २९ गते २१:३२
प्रतिक्रिया
सम्बन्धित खवर
