दिल्लीको तापक्रम १० डिग्रीमा झर्‍यो, प्रदूषणले जनजीवन प्रभावित

भारतमा मंगलबार यता निरन्तर तापक्रम घट्दै गएको छ । भारतको मौसम विज्ञान विभागका अनुसार मंगलबार त्यहाँको न्यूनतम तापक्रम १० डिग्री सेल्सियसमा पुगेको छ । अधिकताम तापक्रम भने २७ डिग्री सेल्सियससम्म पुगेको छ ।

भारतको केन्द्रीय राजधानीसमेत रहेको दिल्लीमा एकातिर चिसो बढीरहेको छ भने अर्कातिर प्रदूषणको असर पनि बढीरहेको छ । वायुको गुणस्तर मङ्गलबार ३९६ रहेकोमा बुधबार घटेर ३७९ मा पुगेको अधिकारीले जानकारी दिएका छन् ।

तिहारको बेला अत्यधिक धेरै पटका पड्काइएकाले वायु प्रदूषण बढेर खतरापूर्ण अवस्थामा पुगेको हो । प्रदूषण धेरै हानिकारक अवस्थामा पुगेकाले केही समय लकडाउन गर्न सरोकारवालाले सुझाव दिएका छन् ।

त्यसैगरी चिकित्सकले पनि केही दिन घरबाहिर ननिस्कन र विषेश गरेर बालबालिकालाई प्रदूषणबाट जोगाउन ध्यानाकर्षण गराएका छन् ।