तराईमा चिसो सुरू, पराल बालेर न्यानो बनाइँदै (तस्बिरहरू)
२०७८ मंसिर ३ गते ९:३५
महोत्तरी । पश्चिमी वायुको प्रभावले देशभर मौसम बदली भएको छ । जसका कारण हिउँद सुरु भएसँगै चीसो पनि बढ्न थालेको छ ।
हिउँदमा हिमालमा उच्च हिमपात, पहाडमा कुहिरो र हुस्सु तथा तराईमा शीतलरहले जनजीवन निकै कष्टकर हुने गरेको छ ।
मौसम पूर्वानुमान महाशाखाले पनि अब दैनिक दुईदेखि तीन डिग्री सेल्सियसका दरले तापक्रम घटिरहने बताएको छ ।
चीसो सुरु भएसँगै तराईमा परालको घुर बालेर जाडो भगाउने प्रयास गरिन्छ । यसको धुवाँले लामखुट्टे, भुसुनालगायतबाट पनि जोगिने विश्वास गरिन्छ ।
तराईवासीलाई चीसो र शीतलहरले हरेक वर्षको हिउँदमा दैनिकी निकै कठिन बनाउने गरेको छ ।
नेपाल प्रेसकर्मी सरोज बैजुले खिचेका यी तस्बिरमा महोत्तरी जलेश्वर क्षेत्रका स्थानीयवासीले परालको घूर बालेर न्यानो खोज्दै गरेको देख्न सकिन्छ ।
प्रकाशित: २०७८ मंसिर ३ गते ९:३५
प्रतिक्रिया
सम्बन्धित खवर
