नवनियुक्त मन्त्री महतोले भने- भ्रष्टाचारले प्रदेशको बदनाम भयो, सुशासन कायम गर्छु
नेपाल प्रेस
२०७८ मंसिर ५ गते १५:०१
जनकपुरधाम । प्रदेश २ सरकारमा नेकपा एसबाट मन्त्री बनेका दुईजनाले कार्यभार सम्हालेका छन् ।
सपथ लिएलगत्तै उद्योग, पर्यटन, वन तथा वातावरण मन्त्री शत्रुधन महतो र कानून, न्याय तथा प्रदेश मामिला मन्त्री प्रमोद यादवले जनकपुरको मधेस भवनस्थित मन्त्रालय पुगेर जिम्मेवारी सम्हालेका हुन् ।
मन्त्री यादवले प्रमाणिकरण भइसकेको पदकसम्बन्धी ऐन राजपत्रमा प्रकाशित गर्नेबारेको फाइलमा हस्ताक्षर गरे ।
यस्तै मन्त्री महतोले चुरे संरक्षणलाई पहिलो प्राथमिकता दिने बताए । भ्रष्टाचारलगायतका कुराले प्रदेश बदनाम भइरहेको भन्दै सुशासन कायम गर्ने उनको जिकिर छ ।
प्रदेशको राजधानी र नाम टुंगो लगाउने काम गर्ने महतोले प्रतिबद्धता जनाए ।
पदभार ग्रहण गरेपछि पार्टी कार्यालय पुगेका मन्त्रीद्वयलाई नेकपा एसका नेता पूर्वमन्त्रीद्वय धर्मनाथ साह, रामचन्द्र झालगायतले बधाई दिएका थिए ।
नेपाल प्रेस
प्रकाशित: २०७८ मंसिर ५ गते १५:०१
प्रतिक्रिया
सम्बन्धित खवर
