प्रधानन्यायाधीशमाथि महाअभियोगको मागसहित बारले सभामुख र संसदीय दलका नेतालाई भेट्ने
नेपाल प्रेस
२०७८ मंसिर ६ गते १२:०६
प्रधानन्यायाधीशको राजीनामा माग्दै जारी बारको आन्दोलन । फाइल तस्बिर ।
काठमाडौं । प्रधानन्यायाधीश चोलेन्द्र शमशेर जबरालाई महाअभियोग लगाउन माग गर्दै नेपाल बार एसोसिएसनले सभामुख अग्निप्रसाद सापकोटासहित प्रमुख सचेतकहरूलाई ज्ञापनपत्र बुझाउने भएको छ ।
जबराको राजीनामालाई बटमलाइन बनाएर धर्ना र प्रदर्शन गर्दै आएको बारले आज ज्ञापनपत्र बुझाउन लागेको हो ।
दिउँसो २ बजे सभामुख सापकोटासहित संसदमा प्रतिनिधित्व गर्ने राजनीतिक दलका संसदीय दलका नेता तथा प्रमुख सचेतकलाई भेटेर जबरालाई महाअभियोग लगाउनुपर्ने माग गर्दै ज्ञापनपत्र बुझाउन लागेको सर्वोच्च बारका अध्यक्ष पूर्णमान शाक्यले जानकारी दिए ।
प्रधानन्यायाधीश जबराले यसअघि संवादका लागि गरेको आव्हानलाई बारले अस्वीकार गरेको थियो ।
नेपाल प्रेस
प्रकाशित: २०७८ मंसिर ६ गते १२:०६
प्रतिक्रिया
सम्बन्धित खवर
