रौतहटका नेता बुधाई खाँले छाडे नेकपा एस, प्रभु साहले गरे एमालेमा स्वागत
नेपाल प्रेस
२०७८ मंसिर ६ गते १५:२९
रौतहट । नेकपा एकीकृत समाजवादीका रौतहट जिल्ला नेता तथा फतुवा विजयपुर नगर कमिटीका इन्चार्ज बुधाई खाँ नेकपा एमालेमा प्रवेश गरेका छन् ।
आइतवार आयोजित एक कार्यक्रममा एमाले नेता प्रभु साहले उनलाई एमाले प्रवेश गराएका हुन् । गत स्थानीय तहको निर्वाचनमा मेयरको उम्मेदवार रहेका खाँ एमाले विभाजनपछि नेकपा एसमा लागेका थिए ।
प्रभु साहको निर्वाचन क्षेत्र रहेका फतुवा विजयपुरका माओवादीबाट निर्वाचित जनप्रतिनिधि यसअघि नै साहसँगै एमालेमा समाहित भइसकेका छन् ।
उनलाई एमाले नेता अच्युत मैनाली,बलवीर प्रसाद चौधरी लगायतले स्वागत गरेका थिए ।
नेपाल प्रेस
प्रकाशित: २०७८ मंसिर ६ गते १५:२९
प्रतिक्रिया
सम्बन्धित खवर
