तस्बिरमा हेर्नुस् महाधिवेशनको पूर्वसन्ध्यामा एमाले स्थायी कमिटी बैठक
२०७८ मंसिर ७ गते १२:५३
काठमाडौं । नेकपा एमालेको स्थायी कमिटी बैठक अहिले जारी छ । मंसिर १०-१२ चितवनमा तय गरिएको १०औं महाधिवेशनको पूर्वसन्ध्यामा एमाले स्थायी कमिटी बैठक डाकिएको हो ।
सोमबार बोलाइएको स्थायी कमिटी बैठक नेताहरुको कार्यव्यस्तता भन्दै अन्तिम समयमा आएर स्थगित गरिएको थियो ।
महाधिवेशन प्रतिनिधि मनोनयन आजको बैठकको मुख्य एजेण्डा छ ।
विधानअनुसार कुल महाधिवेशन प्रतिनिधिको पाँच प्रतिशत मनोनीत गर्न सकिने व्यवस्था छ । यसरी करिब एक सयको हाराहारीमा महाधिवेशन प्रतिनिधि मनोनित हुनेछन् ।
बैठकमा महाधिवेशनको तयारी र व्यवस्थापकीय कामबारे पनि छलफल हुनेछ ।
यसैबीच एमाले अध्यक्ष केपी ओलीले आज नै पत्रकार सम्मेलन गर्दैछन् । महाधिवेशनकेन्द्रित रहेर ओलीले दिउँसो २ बजे पत्रकार सम्मेलन गर्न लागेका हुन् ।
प्रकाशित: २०७८ मंसिर ७ गते १२:५३
प्रतिक्रिया
सम्बन्धित खवर
