जनकपुरमा पार्टी कार्यालय उद्घाटन गर्दै माधव नेपालले भने- आफूलाई मालिक ठान्दैनौं
नेपाल प्रेस
२०७८ मंसिर ८ गते १२:१७
जनकपुरधाम । नेकपा एकीकृत समाजवादीका अध्यक्ष माधवकुमार नेपालले जनकपुरमा जिल्ला पार्टी कार्यालयको उद्घाटन गरेका छन् ।
जनकपुरको भानु चोकस्थित किशोरी नगरमा भाडामा लिएको भवनमा अध्यक्ष नेपालले जिल्ला पार्टी कार्यालयको उद्घाटन गरेका हुन् । कार्यालय परिसरमा उनले निमको विरुवासमेत रोपे ।
उनले अगामी सबै तहको निर्वाचनमा गठबन्धन हुने भन्दै केपी ओली पतन हुने दाबी गरे ।
अध्यक्ष नेपालले समाजवाद स्थापना गर्ने बाटोमा आफूहरू अघि बढेको बताए । ‘यो पार्टी नौजवानको हो’, उनले भने, ‘हामी जनताको साथ -साथ हिँड्छौं । सु:ख-दु:खमा साथ दिन्छौं ।’
आफूलाई मालिक नठान्ने र जनतालाई नोकरको व्यवहार नगर्ने उनको प्रतिबद्धता थियो ।
नेपाल प्रेस
प्रकाशित: २०७८ मंसिर ८ गते १२:१७
प्रतिक्रिया
सम्बन्धित खवर
