दक्षिणपन्थी चिन्तन बढेको भन्दै वामपन्थी लेखक गिरीले छाडे एमाले

काठमाडौं । वामपन्थी लेखक अमर गिरीले नेकपा (एमाले) परित्याग गरेका छन् । बुधबार वक्तव्य जारी गरेर गिरीले पार्टी परित्याग गरेको घोषणा गरेका हुन् ।

प्रगतिशील लेखक संघका पूर्वअध्यक्ष समेत रहेका गिरी एमाले केन्द्रीय अनुशासन आयोगका सदस्य तथा १० औं महाधिवेशन प्रतिनिधिसमेत हुन् । एमालेमा दक्षिणपन्थी चिन्तन बढेको उनको आरोप छ ।

एमालेमा नवौं महाधिवेशनदेखि दक्षिणपन्थी चिन्तन बढेको, महाधिवेशनबाट पारित विचारनीति, कार्यक्रम, कार्यदिशाविपरीत हिँड्न सुरू गरेको र केपी ओली यस चिन्तनको केन्द्रमा रहेको आरोप उनले लगाएका छन् ।

पार्टीमा यथास्थितिवादी चिन्तन, चरम व्यक्तिवाद, नेतृत्वको देवत्वकरण र नैतिक मूल्यको गम्भीर क्षय भएको गिरीको आरोप छ ।