कर्णालीलाई पदाधिकारी माग्दै युवा टोली सौराहामा

सौराहा । नेकपा एमालेको जारी महाधिवेशनमा एमालेले कर्णालीलाई एक पदाधिकारी दिनु पर्ने माग राख्दै राष्ट्रिय युवा संघका सचिवालय सदस्य एवं सुर्खेत जिल्ला अध्यक्ष कमल खड्का जुनिसहितको टोली सौराहा आएको छ ।

‘हामी नीति निर्माण गर्ने तहमा हालसम्म पुग्न सकेका छैनौं । पार्टी नेतृत्वलाई दबाब दिन ब्यानरसहित यहाँ आएका हौं’, जुनि भन्छन, ‘कर्णालीलाई सम्मान गर्ने अपेक्षा छ ।’

केन्द्रीय सचिवालय सदस्य किरण सापकोटा पनि सौराहा आइपुगेका छन् । उनी फरक क्षमताका हुन् । ‘हामीलाई अरु धेरै चाहिएको छैन । यामलाल कंडेललाइ सचिव बनाइ दिए हुन्छ । देशभरका प्रतिनिधिसँग कर्णालीलाई न्यायका लागि अनुरोध गर्छौं ।’

नेता कंडेल कर्णालीबाट पदाधिकारीका एक्ला दाबेदार हुन ।