बन्दसत्रको मञ्चमा ईश्वर पोखरेलसँग सवाल जवाफपछि जव भीम रावल पल्लो छेउको कुर्सीतिर लागे
नेपाल प्रेस
२०७८ मंसिर १२ गते २१:१८
चितवन । नेकपा एमालेका उपाध्यक्ष भीम रावल र महासचिव ईश्वर पोखरेलबीच बन्दसत्रस्थलमा सवाल जवाफ भएकाे छ ।
अध्यक्ष केपी शर्मा ओलीसँग छलफल सकेर बन्दसत्रस्थल पुगेका पोखरेल र बन्दसत्रस्थलमै रहेका रावलबीच सवाल जवाफ भएको हो ।
बन्दसत्रस्थलमा रहेको मञ्चको तल बसिरहेका रावल नजिकै पोखरेल आएपछि केही कुराकानी भएको थियो । त्यही बेला हलभित्र रहेको स्क्रिनमा उनीहरुबीच भएको भनाभन भएको दृश्य पटक पटक देखाइएपछि रावल कुर्सीबाट उठेर मञ्चतर्फ गएका थिए ।
मञ्चमा रावल १५ मिनेट एक्लै बसे फेरि ईश्वर पोखरेल पनि मञ्चमा पुगेका थिए । पोखरेलले रावलसँग कुरा गर्न खोजेपछि उनी ६ कुर्सी पर गएर बसेका छन् ।
अहिले मञ्चमा रावल टोपबहादलुर रायमाझी र लालबाबू पण्डित मात्रै रहेका छन् ।
नेपाल प्रेस
प्रकाशित: २०७८ मंसिर १२ गते २१:१८
प्रतिक्रिया
सम्बन्धित खवर
