सचिवमा ओलीले घोषणा गरेकोबाहेक भीम आचार्य र टंक कार्कीको उम्मेदवारी

काठमाडौं । आइतबार राति अध्यक्ष मण्डलका अध्यक्ष केपी शर्मा ओलीले घोषणा गरेको पदाधिकारीको सूचीमा नपरेका दुईजनाले सचिवमा उम्मेदवारी दिएका छन् । सूचीमा नपरेका भीम आचार्य र टंक कार्कीले सचिवमा उम्मेदवारी दिएका हुन् ।

एमालेको जारी महाधिवेशनमा बन्दसत्र हलबाट केन्द्रीय कमिटी घोषणा गर्ने अधिकार पाएका ओलीले टोपबहादुर रायमाझी, रघुवीर महासेठ, छविलाल विश्वकर्मा, लेखराज भट्ट, योगेश भट्टराई, गोकर्ण विष्ट र पद्मा अर्याललाई चयन गरेका थिए ।

आचार्य र कार्कीको उम्मेदवारी परेसँगै सचिवमा पनि चुनाव हुने भएको छ । त्यस्तै अध्यक्षमा केपी शर्मा ओली र भीम रावलको उम्मेदवारी परेको छ । त्यस्तै उपाध्यक्षमा ओलीले घोषणा गरेकाबाहेक घनश्याम भुसालको उम्मेदवारी परेको छ ।