योगेशको दाबी- फलानो उम्मेदवारलाई मत नदिनू भनेर पर्चा बाँडिएको थाहा छैन (भिडिओ)
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2021/11/yogesh-bhattrai-2.jpg)
चितवन । नेकपा एमालेको दशौं राष्ट्रिय महाधिवेशन प्रचारप्रसार समितिका संयोजक योगेश भट्टराईलाई कुनै उम्मेदवारलाई मत नदिनू भनेर पर्चा बाँडिएको बारे आफूहरूलाई जानकारी नभएको बताएका छन् ।
मतदान सकिएपछि पत्रकारसँग कुरा गर्दै भट्टराईले कुनै उम्मेदवारको पक्ष र विपक्षमा पर्चा बनाइएकोबारे आफूलाई जानकारी नभएको र मतदानस्थलमा त्यस्तो पर्चा नभेटेको दाबी गरे ।
पत्रकारले पर्चा त भेटियो भन्ने प्रश्न गर्दा भट्टराईले भने, ‘त्यस्तो हामीलाई थाहा छैन । तपाईंहरूले अहिले भन्नुभयो हामीले नोटिसमा लियौं । तर, त्यसरी बाँडिएको थाहा छैन ।’
महाधिवेशनस्थलमा मतदान गर्नु नपर्ने भनी केही उम्मेदवारको नाम समावेश भएको पर्चा वितरण भएको थियो । त्यसप्रति अध्यक्षका उम्मेदवार भीम रावलले आपत्ति जनाएका थिए ।