भारतमा कोरोनाको नयाँ भेरिएन्ट ओमिक्रोन संक्रमण पुुष्टि

काठमाडौं । भारतमा पहिलोपटक कोरोनाभाइरसको नयाँ भेरिएन्ट ओमिक्रोन संक्रमण पुष्टि भएको छ । भारतको स्वास्थ्य मन्त्रालयका अनुसार दुईवटा संक्रमण पुुष्टि भएको हो ।

भारतको स्वास्थ्य मन्त्रालयका अनुसार दुईवटा संक्रमण पुुष्टि भएको हो । कर्नाटकाका दुईजना पुरुषमा संक्रमण भेटिएको सरकारले जनाएको छ । ६६ र ४६ वर्ष उमेरका दुई पुरुषमा संक्रमण भेटिएपछि उच्च सतर्कता अपनाइएको स्वास्थ्य मन्त्रालयले जनाएको छ ।

पत्रकार सम्मेलनमा बोल्दै नीति आयोगका सदस्य वीके पौलले नयाँ भेरिएन्टबारे नडराइकन सतर्क बन्नु जरुरी रहेको बताए । खोप अभियानलाई थप तीव्रता दिनु जरुरी भएको उनले बताए ।

भारतमा भेटिएका दुईजना संक्रमितको थप कन्ट्याक्ट ट्रेसिङ भैरहको जनाउँदै उनले गम्भिरभएर परिस्थितीलाई नियालिरहेको समेत बताए ।