लुम्बिनीमा मतगणना सुरु

रूपन्देही । नेपाली कांग्रेसको १४ औं महाधिवेशनअन्तर्गत आज भएको लुम्बिनी प्रदेशको मतदानको मतगणना सुरु भएको छ ।

नेपाली कांग्रेस रुपन्देहीको पार्टी कार्यालयमा सुरु भएको मतगणनाको लागि २ समूहका ८/८ जना प्रतिनिधि सहभागी भएका छन् ।

लुम्बिनी प्रदेशको नेतृत्व चयनको लागि कुल मतदाता एक हजार ६ सय ७० जनामध्ये एक हजार ६ सय ३१ जनाले मतदान गरेका छन् ।

नेतृत्वका लागि संस्थापन समूहबाट भरत शाह र इतर समूहबाट अमर पुनले अलग अलग प्यानल बनाएर चुनावमा गएका थिए । यसअघि क्षेत्रीय अधिवेशनको गणनामा कुटपिट भएकाले सुरक्षा व्यवस्थापनमा ध्यान दिइएको निर्वाचन समितिले जनाएको छ ।