कांग्रेस सहमहामन्त्रीमा उम्मेदवारी दिने पूर्वमन्त्री गिरीको घोषणा

दाङ । नेपाली कांग्रेसका केन्द्रीय सदस्य दीपक गिरीले कांग्रेसको १४औं महाधिवशेनमा सहमहामन्त्री पदमा उम्मेदवारी दिने भएका छन् ।

हालै सम्पन्न नेपाली कांग्रेस लुम्बिनी प्रदेश अधिवेशनमा उनले सभापति, महामन्त्रीलगायत धेरैजसो पदमा संस्थापनइतर पक्षका नेतालाई विजयी गराउन सफल भएका छन् । दाङ घर भएका गिरी संस्थापनइतरनिकट मानिन्छन् ।

गिरी नेपाली कांग्रेसको १२ र १३ औं महाधिवेशमा केन्द्रीय सदस्य पदमा निर्वाचित भएका हुन् । २०३६ सालमा काठमाडौंमा विद्यार्थी आन्दोलन हुँदा उनी नेपाल विद्यार्थी संघको केन्द्रीय सदस्य थिए । त्यसबेला नेविसंघको केन्द्रीय अध्यक्ष विमलेन्द्र निधि थिए भने गिरी र पूर्णबहादुर खड्का केन्द्रीय सदस्य थिए ।

उनी पूर्वसिँचाइमन्त्रीसमेत हुन् ।