बार नेतृत्व र हड्ताली वकिल बालकोटमा, एमाले अध्यक्ष ओलीसँग सहयोगको याचना (लाइभ)

काठमाडौं । करिब डेढ महिनादेखि प्रधानन्यायाधीशको राजीनामा मागेर आन्दोलन गरिरहेका नेपाल बार र सर्वोच्च बारका पदाधिकारीसहित हड्ताली न्यायाधीश समूहका सहयोगी वकिलहरू एमाले अध्यक्ष केपी शर्मा ओलीसँग सहयोगको याचना गर्दै बालकोट पुगेका छन् ।

सत्ता गठबन्धनका शीर्ष नेतासँग परमादेशको पैंचो मागिरहेका आन्दोलनकारी बार पदाधिकारीले प्रधानन्यायाधीशविरुद्ध महाअभियोग लगाउन दबाब दिइरहेका छन् । एमालेलाई पनि महाअभियोगमा मनाउन बार नेतृत्वले अध्यक्ष ओलीसँग भेटेका हुन् । अहिले बालकोटमा भेटवार्ता चलिरहेको छ ।

भेटमा ओलीका प्रखरविरोधी वरिष्ठ अधिवक्ता कृष्णप्रसाद भण्डारी, शम्भु थापा, रमण श्रेष्ठसमेत सहभागी छन् भने एमाले उपाध्यक्षद्वय सुवास नेम्वाङ र विष्णु पौडेल पनि छन् ।