कांग्रेस महाधिवेशन प्रतिनिधिको झोलामा के छ ?

काठमाडौं । नेपाली कांग्रेसको १४औं महाधिवेशन भोलिदेखि सुरू हुँदैछ । काठमाडौंको भृकुटीमण्डपमा हुने महाधिवेशनका लागि देशभरबाट अधिकांश प्रतिनिधि आइसकेका छन् । कोही आउने क्रममा छन् ।

पार्टीको केन्द्रीय निर्वाचन समितिले सार्वजनिक गरेको प्रारम्भिक सूचीअनुसार महाधिवेशनमा ४ हजार ३ सय १९ जना प्रतिनिधि सहभागी हुँदैछन् । उनीहरूका लागि सुन्धारा, गौशाला, गोंगबुलगायतका ठाउँमा होटल बुक गरिएको छ ।

महाधिवेशन प्रतिनिधिका लागि एक थान झोला, १० थान मास्क, एउटा स्यानिटाइजर, विधान, नियमावली, डायरी र खानाको कुपन बाँडिएको छ ।