ओलीको भाषण नसुनी उठेर हिँडे माधव नेपाल

काठमाडौं । नेपाली कांग्रेसको महाधिवेशन उद्घाटन समारोहमा नेकपा एमालेका अध्यक्ष केपी शर्मा ओली र नेकपा एकीकृत समाजवादीका अध्यक्ष माधवकुमार नेपाल एकसाथ मञ्चमा देखिए । तर, ओलीको भाषण नसुनिकन नेपाल उठेर हिँडेका छन् ।

करिब पाँच महिनापछि पहिलोपटक आली र नेपालले मञ्च सेयर गरेका थिए । माओवादी अध्यक्ष पुष्पकमल दाहाल प्रचण्ड पनि एक वर्षपछि ओलीसँगै देखिए । नेपाल र प्रचण्ड ओलीभन्दा पहिल्यै कार्यक्रमस्थलमा उपस्थित भएका थिए । ओली आउँदा कांग्रेस अध्यक्ष शेरबहादुर देउवाले उठेर स्वागत गरेका थिए भने नेपाल र प्रचण्डले बसीबसी नमस्कार गरेका थिए ।

नेपाल र प्रचण्डले गरेको भाषण ओलीले सुने । उनीहरू दुवैले आलीप्रति परोक्ष कटाक्ष गरेका थिए । ओलीले बोल्ने पालोमा भने नेपाल उठेर हिँडिसकेका थिए । प्रचण्डले भने ओलीको भाषण सुन्ने धैर्यता देखाए ।