आरजुद्वारा केन्द्रीय सदस्यमा उम्मेदवारी घोषणा, शुरु भयो प्रचार प्रसार
नेपाल प्रेस
२०७८ मंसिर २४ गते १६:५८
काठमाडौं । प्रधानमन्त्री तथा कांग्रेस सभापति शेरबहादुर देउवा पत्नी आरजु राणा देउवाले केन्द्रीय कार्य समिति सदस्य पदका लागि उम्मेदवारी घोषणा गरेकी छन् ।
नेपाल प्रेस युनियनका अध्यक्ष बद्री सिग्देलले आरजुको उम्मेदवारीको प्रचार प्रसार समेत शुरु भइसकेको बताए ।
आरजुको उम्मेदवारी खुला महिला कोटामा रहेको सिग्देलले जानकारी दिए । कांग्रेस केन्द्रीय सदस्यका लागि उनको उम्मेदवारी यो पहिलोपटक हो ।
राणा डडेल्धुराबाट कांग्रेसको महाधिवेशन प्रतिनिधि निर्वाचित भएकी हुन् । उनी २०७४ सालको आम निर्वाचनमा कैलाली ५ बाट प्रतिस्पर्धा गरेर एमालेका नारदमुनी रानासँग पराजित भएकी थिइन् ।
कांग्रेसकै पुष्कर ओझा लगायतले अन्तरघात गरेर उनलाई हराएको भन्दै ओझामाथि पार्टीले कारवाही गरेको छ ।
नेपाल प्रेस
प्रकाशित: २०७८ मंसिर २४ गते १६:५८
प्रतिक्रिया
सम्बन्धित खवर
