कुनै पनि पदमा उम्मेदवारी नदिने कांग्रेस कोषाध्यक्ष सीतादेवी यादवको घोषणा
नेपाल प्रेस
२०७८ मंसिर २४ गते १७:१७
काठमाडौं । नेपाली कांग्रेसकी कोषाध्यक्ष सीतादेवी यादवले १४ औं महाधिवेशनमा कुनै पनि पदमा उम्मेदवारी नदिने घोषणा गरेकी छन् ।
महाधिवेशनको उद्घाटनसत्रमा सम्बोधन गर्दै यादवले पार्टीको राजनीतिमा नयाँ व्यक्तिहरु आउनुपर्ने भन्दै आफूले उम्मेदवारी नदिने घोषणा गरेकी हुन् ।
उनले १४ औं महाधिवेशनबाट पार्टीभित्र एकताको सन्देश दिनुपर्ने बताइन् ।
उनले भनिन् — नयाँ साथीहरू राजनीतिमा आउनुपर्छ । कोषाध्यक्षको रुपमा काम गर्ने अवसर पाए । पार्टी भित्र एकताको सन्देश दिनुपर्छ । म कुनै पदमा उम्मेदवार बन्दिन नया साथीहरूलाई शुभकामना ।
उनले पार्टीको कोषमा १० करोड रुपैयाँ जम्मा भएको पनि बताएकी छन् ।
नेपाल प्रेस
प्रकाशित: २०७८ मंसिर २४ गते १७:१७
प्रतिक्रिया
सम्बन्धित खवर
