शेखर फर्किएपछि पौडेल पक्ष पुन: छलफलमा, प्रकाशमान आएनन्

काठमाडौं । नेपाली कांग्रेस संस्थापनइतरको बैठक फेरि सुरू भएको छ । १४ औं महाधिवेशनका लागि सभापतिको साझा उम्मेदवार चयन गर्न अनुपम फुडल्याण्डमा बसेको बैठक सहमति जुट्न नसकेपछि अघि नेताहरू बाहिरिएका थिए ।

शेखर कोइराला फर्किएपछि छलफल पुन: सुरू भएको हो । सभापतिका आकांक्षीमध्येका एक प्रकाशमान सिंह भने बैठकमा उपस्थित छैनन् । साझा उम्मेदवार छान्न दबाब दिँदै बैठकस्थलबाहिर कार्यकर्ताले नाराबाजी गरिरहेका छन् ।

कांग्रेसको नयाँ नेतृत्वका लागि संस्थापन समूहबाट वर्तमान सभापति एवं प्रधानमन्त्री शेरबहादुर देउवा सभापतिका एक्ला दाबेदार छन् । संस्थापनइतरबाट भने वरिष्ठ नेता रामचन्द्र पौडेल, नेताहरु प्रकाशमान सिंह, शेखर कोइराला, शशांक कोइराला प्रत्यासी छन् ।

संस्थापनइतरबाट साझा उम्मेदवारका लागि सहमति गर्न नेताहरूलाई दबाब दिँदै कार्यकर्ता