कांग्रेस सभापतिमा दोहोरिन देउवाले दिए उम्मेदवारी, प्रस्तावकमा सिटौला पनि

काठमाडौं । प्रधानमन्त्री तथा नेपाली कांग्रेसका सभापति शेरबहादुर देउवाले आसन्न महाधिवेशनमा फेरि सभापति पदका लागि उम्मेदवारी दर्ता गराएका छन् ।

आफ्नो प्यानल फाइनल गरेलगत्तै उनले सभापतिमा उम्मेदवारी दर्ता गराएका हुन् ।

देउवाको प्रस्तावकमा कृष्णप्रसाद सिटौला र बालकृष्ण खाँड लगायत रहने बुझिएको छ ।

मनोनयन दर्ताका लागि देउवा दलबलसहित सभागृहमा पुगेका थिए । देउवाको दर्तासँगै कांग्रेस सभापतिका लागि चारनाको उम्मेदवारी परेको छ । अब शेखर कोइराला र प्रकाशमान सिंह दर्ता गर्ने तयारीमा छन् ।

देउवा कांग्रेसका १३ औं महाधिवेशनबाट सभापतिमा निर्वाचित भएका थिए ।

देउवा प्यानलबाट उपसभापतिमा पूर्णबहादुर खड्का र विजय कुमार गच्छदार रहेका छन् ।

यस्तै महामन्त्री डा. प्रकाशशरण महत र प्रदीप पौडेल उम्मेदवार हुने भएका छन् ।

देउवा पक्षबाट ८ सहमहामन्त्री र खसआर्यतर्फका केन्द्रीय सदस्यका उम्मेदवार पनि टुंगो लागेका छन् ।

महिला कोटाको सहमहामन्त्रीमा महालक्ष्मी उपाध्याय डिना मकवानपुर, आदिवासी जनजाती तर्फको सहमहामन्त्रीमा भिष्मराज आङ्दाम्बे पाँचथर, दलितर्फको सहमहामन्त्रीमा मानबहादुर विश्वकर्मा अर्घाखाँची, मधेशीतर्फको सहमहामन्त्रीमा महेन्द्र यादव धनुषाका् नाम टुंगो ल गाएको छ ।

यस्तै खस आर्यतर्फको सहमहामन्त्रीमा किशोरसिंह राठोर बर्दिया, थारु तर्फको सहमहामन्त्रीमा उमाकान्त चौधरी बारा, मुस्लिमतर्फको सहमहामन्त्रीमा फर्मुल्लाह मन्सुर बारा र पिछडिएको क्षेत्रको सहमहामन्त्रीमा जीवनबहादुर शाही हुम्लालाई उम्मेदवार बनाउने निर्णय भएको सभापति देउवाको सचिवालयले जनाएको छ ।

त्यस्तै खस आर्यतर्फका केन्द्रीय सदस्यमा केशवकुमार बुढाथोकी झापा, श्याम घिमिरे सिन्धुली, नारायणबहादुर कार्की उदयपुर, कृष्णबहादुर कार्की नवलपरासीपूर्व, गेहेन्द्र गिरी दाङ, प्रकाश अधिकारी चितवन र गोविन्दबहादुर शाह अछामलाई उम्मेदवार बनाउने निर्णय भएको छ ।

यस्तै, खस आर्यतर्फकै महिला केन्द्रीय सदस्यमा मञ्जु खाण सिराहा, नानु बास्तोला काठमाडौँ, चम्फा खड्का बागलुङ, कान्तिका सेजुवाल जुम्ला, लिला नेपाल सिन्धुपाल्चोक र विद्या तिमिल्सिना बाजुरालाई उम्मेदवार बनाउने निर्णय भएको देउवाको सचिवालयले जानकारी दिएको छ ।