कांग्रेस महाधिवेशन : यी चर्चित नेता जसले कुनै पनि पदमा उम्मेदवारी दिएनन्
नेपाल प्रेस
२०७८ मंसिर २५ गते २०:२५
काठमाडौं । नेपाली कांग्रेसका केही चर्चित नेताहरुले १४ औं महाधिवेशनमा कुनैपनि पदमा उम्मेदवारी दिएका छैनन् ।
सभापतिको दावेदार भनिएका वरिष्ठ नेता रामचन्द्र पौडेलसहितका नेताहरु चुनावी प्रतिस्पर्धाबाट अलग भएका छन् ।
पूर्व महामन्त्री कृष्णप्रसाद सिटौलाले पनि कुनैपनि पदमा उम्मेदवारी दिएनन् । उनले सभापतिमा शेरबहादुर देउवा नेतृत्वको प्यानललाई समर्थन गरेका छन् ।
पूर्व उपसभापति गोपालमान श्रेष्ठले समेत कुनैपनि पदमा उम्मेदवारी नदिएको बताइन्छ । परराष्ट्रमन्त्री डा. नारायण खड्काले समेत कुनैपनि पदमा मनोनयन दर्ता गराएनन् ।
त्यस्तै नेताहरु प्रदीप गिरी, र नरहरी आचार्यले पनि केन्द्रीय समितिका कुनै पदमा उम्मेदवारी दिएनन् ।
नेपाल प्रेस
प्रकाशित: २०७८ मंसिर २५ गते २०:२५
प्रतिक्रिया
सम्बन्धित खवर
