रमेश लेखकले दिए कांग्रेस केन्द्रीय सदस्यमा उम्मेदवारी
नेपाल प्रेस
२०७८ मंसिर २५ गते २०:४३
काठमाडौं । नेपाली कांग्रेसका नेता रमेश लेखकले केन्द्रीय सदस्य (खुला) पद उम्मेदवारी दर्ता गराएका छन् ।
१४ औं महाधिवेशनमा महामन्त्रीका दावेदार रहेका नेता लेखकले अन्तिम समयमा केन्द्रीय सदस्य पदमा उम्मेदवारी दिएका हुन् ।
१३ औं महाधिवेशनबाट केन्द्रीय सदस्य पदमा विजयी भएका लेखकले यसअघि क्रियाशील सदस्यता छानबिन समितिको संयोजक रहेर पनि काम गरिसकेका छन् ।
सदस्यता विवादले महाधिवेशनको कार्यकतालिका नै प्रभावित भइरहेको अवस्थामा लेखक नेतृत्वको समितिले विवाद समाधानका लागि महत्वपूर्ण भूमिका खेलेको थियो । तथापी केही क्षेत्रमा भने विवाद समाधान हुन सकेन ।
नेपाल प्रेस
प्रकाशित: २०७८ मंसिर २५ गते २०:४३
प्रतिक्रिया
सम्बन्धित खवर
