समुन्नत नेपालको नाराप्रति गोकुलको व्यंग्य– पानीट्यांकी मतपेटिकामा आविष्कारकको ढ्वाङ भरियोस्

काठमाडौं । नेकपा एमालेका युवा नेता गोकुल बास्कोटा र कांग्रेसका युवा नेता गगन थापाबीच शब्दमा जुहारी चल्ने सिलसिला केही वर्षदेखि चलिरहेको छ । गोकुल र गगनबीच घोचपेच र जुहारी चल्ने क्रम गोकुल सरकारको प्रवक्ता भएका बेलादेखि नै हो ।

पछिल्लोपटक गगनले एमालेको ‘समृद्ध नेपाल,सुखी नेपाली’नारा अपूर्ण भएको भन्दै गगनले कांग्रेस महामन्त्रीमा आफ्नो उम्मेदवारी पेश गर्ने क्रममा ‘समुन्नत नेपाल, सम्मानित नेपाली’ भन्ने नारा अघि सारेका थिए ।

गगनको सो नारालाई व्यंग्य गर्दै गोकुलले प्रविधिको जमानामा विद्युतीय मतदानमा विश्वास नगरी पानी ट्यांकीमा मतदान गरेर समुन्नत नेपाल निर्माण गर्न लागेको बताएका छन् ।

उनले भने– जे होस कांग्रेस महाधिवेशनमा समुन्नत नेपालको चामत्कारिक भावी रंगिन चित्र पानीट्यांगकीका मतपेटिकामा सानदार रुपमा प्रदर्शन भैरहेको छ।कमसेकम यस्का आविष्कारकको ढ्वाङ भरियोस। भव्य सफलताको शुभकामना !